Wi thanks tae oor funders and supporters
©2024 – ScotsHoose Yaldi. All Rights Reserved. ScotsHoose Yaldi is funded by the Scottish Government.
Thriller in Scots
Thriller in Scots has sang, dance, Zombies and guid Scots. It is a Scots translation of Michael Jackson’s warld-famous Thriller. Filmed and performed by the brilliant talented pupils at Preston Lodge High School and Ross High School, the project was a collaboration between film makers D Fie Foe and staff at both of these remarkable schools in East Lothian.
Follow a manual added link
It’s close tae midnicht
And somethin evil’s scowkin in the derk
Ablow the moonlicht
Ye see a sicht that jist aboot staps yer hert
Ye try tae skraik
But terror taks the soond afore ye mak it
Ye stert tae freeze
As horror looks ye richt atween the een
It’s Halloween
‘Cause this is thriller, thriller nicht
And naebody’s gonna save ye
Fae the beast aboot tae skelp
Ye ken it’s thriller, thriller nicht
Ye’re fechtin for yer life inside a killer,
Thriller
The nicht
Ye hear the door dunt
And soon jalouse there’s naewhaur left tae rin
Ye feel the cauld haun and wunner if ye’ll ivver see the sin
Ye shut your een and hope that this is jist imagination (lassie)
But aw the while ye hear the craitur creepin up behind
Ye’re oot o time
‘Cause this is thriller, thriller nicht
There is nae second chaunce against the
Hing wi forty een
Ye ken it’s thriller, thriller nicht
Ye’re fechtin tae survive inside a killer
Thriller
The nicht
Nicht beasties caw
And the deid stert tae walk in their
Guisin claes
There’s nae escapin the jaws o the alien
This time (they’re gantin wide)
This is the end o yer life
They’re oot tae get ye, there’s bogles
Closin in on ivry side
They will possess ye if ye dinnae chynge
Yon nummer on yer dial
Noo is the time for you and me tae coorie
In thegither
Aw through the nicht I’ll save ye fae the
Terrors on the screen
Ken whit I mean?
That it’s a thriller, thriller nicht
‘Cause I can thrill ye mair than ony
Ghaist wid ever dare
Lass, this is thriller, thriller nicht
Sae let me haud ye ticht and share a killer,
Siller, chiller
Thriller here the nicht
‘Cause this thriller, thriller nicht
Lass, I can thrill ye mair than ony
Ghaist wid ever dare
Thriller, thriller nicht
Sae let me haud ye ticht and share a killer, thriller
(I’m gonnae thrill ye aw the nicht)
Derkness faws across the laun
The midnicht oor is near at haun
Craiturs crowl in search o bluid
Tae frichten aw yer neebors guid
And whaw-sae-ever wull be foon
That’s no in the mood for gettin doon
Must staun and face the dugs o hell
And beal inside a corpse’s shell
(I’m gonnae thrill ye aw the nicht)
(I’m gonnae thrill ye aw the nicht)
The maist honkin guff is in the air
The reek o forty thoosand year
And eldritch ghaists fae ivry lair
Wull see tae it ye’ll get yer fare (oh, aye)
And though ye fecht tae stey alive
Yer boady sterts tae chitter
For nae mere mortal can resist
The coorseness o the thriller…