The Big Hoose

Ally’s foond somethin. Lewis isnae sure whit but because they’re pals he follaes him anyway. In Ross Crawford’s coming of age story, that’s whit pals dae. Read the text and listen to Ross’ reading this extract from his exciting new Scots novel “The Big Hoose”.

Bang bang bang

That’s the backdoor gaun.

‘It’ll be fur me!’ Lewis isnae certain it actually is but it usually is and onywiy, who else wull it be fur? Naebdy’s ever visitin his parents.

Lewis opens the door tae see Ally, sae excitit he’s no even goat aff his bike, right fit jidderin oan the pedal, awreadie turnt wan-eighty tae face the road. Ready tae set aff.