Betty The Vampire Slagger

Watch oot for dug’s abuse and garlic breid in Gregor Steele’s horror comedy, sung by actor Rosie Hart.

(Tae the tune o Rudolph the Ridd-Nosed Reindeer)

Betty the Vampire Slagger,
Widden stakes they wir nae use,
She liked tae fleg the undeid,
Jist by giein them dug’s abuse.

Aw o the Vampire Slayers,
Thocht that she wis aff her heid,
They used tae pelt puir Betty,
Wi mingin dods o garlic breid.

Then yin dreich and muinless nicht,
Wan vampire did say,
“Ah’ve made a jag and awfie soon,
Tae widden stakes we’ll be immune!”

Aw o the feartie Slayers,
Shoutit fae the cludgie flair,
“Gaun yersel wee Betty,
Slag them aff fur ever mair!”