Wi thanks tae oor funders and supporters
©2024 – ScotsHoose Yaldi. All Rights Reserved. ScotsHoose Yaldi is funded by the Scottish Government.
Deid Man’s Kist
Fiona Fairlielift and Billy Bigtime and ither Auchtermichty Aw-Stars are in the desert, ready to take on the Barraland Buccaneers, a team o space pirates from a galaxy far, far away. Still 223 gemmes unbeaten, can the Auchtermichty Aw-Stars keep their winning streak gaun, or will Haun Dinger, the Buccaneers’ captain, find a wey tae pauchle the match and beat the michty Aw-Stars in Thomas Clark’s gallus sequel Deid Man’s Kist?
FIONA: Aye, but that’s no the full picture, Billy. They’ll hiv, like… Whit dae ye caw them… Thae bendy things…
(She tries tae draw somethin in the air wi her hauns. Naebody kens whit she’s on aboot.)
HAMISH: Come tae think o it, whit dae pirates hiv?
(They aw think aboot it.)
FIONA: (Finally) Cutlasses!
TAMSIN: And cannons!
DEEK: And heuks!
MALKY: And parrots!
BILLY: Pfft. Is that it? I’d no swap Deek for ONY o that. (He thinks.) Cept mebbe a wee parrot. That’d be class. I’d teach it thon sang the fans used tae sing aboot me. There’s anely waaaa-aan Billy Bigtime…
(They aw luik at him.)
FIONA: Ye mean thon sang you used tae sing aboot ye.
BILLY: (Shruggin) I dinnae ken wha stairtit it. That’s whit happens when somethin gangs viral.
(FIONA rolls her een.)