Wi thanks tae oor funders and supporters
©2024 – ScotsHoose Yaldi. All Rights Reserved. ScotsHoose Yaldi is funded by the Scottish Government.
Oor Ain Warst Enemies
The Auchtermichty Aw-Stars are on their way to play in the Intergalactic Cup Final when the bus takes a wrong turn and the players find themselves inexplicably back in their home town. But nothing is as it seems when the team run onto the pitch and meet their opponents. See whit happens in Thomas Clarks play when the Aw-Stars find oot they’re their ain warst enemies.
HAMISH: Nut, I cannae see ocht up there either. Wait a meenit… There’s a fitba grund comin up.
(DEEK squeezes his heid oot the sun-panel.)
DEEK: That’s OOR grund! McGowk’s went and drove us back tae oor AIN pitch!
TAMSIN: Haud on. I think I ken whit’s gawin on here.
FIONA: Whit dae ye mean, Tamsin?
DEEK: (Readin the sign.) Welcome tae Heelstergowdie Pairk, hame o… Tapsalteerie Toon FC?
TAMSIN: I seen a programme on Nebfulms aboot this. It’s aboot these bairns that get stuck in the Withershins Warld.
MALKY: Ma da gets stuck in Witherspins aw the time. Gangs awa for a haggis burger and a bevvy and ye dinnae see him again till hauf past midnicht.
TAMSIN: Withershins, I says. It’s like, back-tae-front. Upside-doon. Everythin there’s the opposite o the wey it is in oor warld.
BILLY: Aw, richt. Sae, likesay, in the Withershins Warld, Hamish stairtit greetin at the stairt o Frozen. Is that whit ye mean?
DEEK: Naw, she means in this warld, Hamish didnae greet at Frozen at aw.
HAMISH: I didnae greet at Frozen!