Wi thanks tae oor funders and supporters
©2024 – ScotsHoose Yaldi. All Rights Reserved. ScotsHoose Yaldi is funded by the Scottish Government.
Land o the Leal
Carolina Oliphant Lady Nairne’s hauntingly beautiful sang Land o the Leal is performed for Scots Hoose by Hannah Rarity and Innes White. Land o the Leal,about grief and the loss of a child, is arguably Caroline Oliphant’s most famous sang. It has been featured in many films including Outlaw King.
Land o the Leal
by Carolina Oliphant
I’m wearin awa Jean,
Like snaw-wreaths in thaw, Jean,
I’m wearin awa tae the land o the leal
There’s nae sorrow there, Jean,
There’s neither cauld nor care, Jean,
The day is aye fair in the land o the leal
Tae me ye hae been true, Jean,
Your task has ended noo, Jean,
For near kythes my view o the land o the leal
Oor bonnie bairn is there, Jean,
She was baith guid and fair, Jean,
And, o, we grudged her sair tae the land o the leal
But dry that tearfu ee, Jean,
Grieve na for her and me, Jean,
Frae sin and sorrow free is the land o the leal
Noo fair ye weel, ma ain Jean,
This warld’s cares are vain, Jean,
We’ll meet and aye be fain in the land o the leal
I’m wearin awa Jean,
Like snaw-wreaths in thaw, Jean,
I’m wearin awa tae the land o the leal
There’s nae sorrow there, Jean,
There’s neither cauld nor care, Jean,
The day is aye fair in the land o the leal