Deengirous Wark

Deengirous Wark
by Hannah Nicholson

Whan he gengs oot tae sea
Tae fish fir a catch wi his crew,
I worry at he mightna come hame.
He’ll be oot on yun boat,
Tossed ower da waves
Laek een o wir bairns’ bath toys,
Cowld an drookit be da watters,
Traetened bi dir dyoobs.
Whan dey geng awa fir a run
I fin mesel panickin deep doon,
Winderin if hit’ll be dis time
At I get da call tellin me
Dir geen aff da radar.
At nicht, I still pit on da shippin forecast,
Reassured whan da announcer
Says “Fair Isle, good, occasionally poor.”
Whan he finally comes hame tae me,
Safe an soond, I gie him a bosie,
Grateful at he cam hame dis time,
But I keen at dem at he gengs oot fir
Willna consider his sacrifices
While dir tuckin intae dir fish suppers.