Wi thanks tae oor funders and supporters
©2024 – ScotsHoose Yaldi. All Rights Reserved. ScotsHoose Yaldi is funded by the Scottish Government.
Are Ye Sleepin Maggie?
Are Ye Sleepin, Maggie? is a film inspired by the much-loved Scots song written by Scots poet Robert Tannahill. The music was arranged and performed by singer-songwriter Dougie MacLean. The film was made and directed by filmmaker David Kotrba.
Are Ye Sleepin Maggie?
by Robert Tannahill
Mirk and rainy is the nicht,
There’s no a star in aw the carry;
Lightnings gleam athwart the lift,
And the cauld winds drive on wi winter’s fury.
Chorus:
O! Are ye sleepin, Maggie?
O! Are ye sleepin, Maggie?
Let me in, for loud the linn
Is roarin ower the warlock craigie!
Fearfu souchs the boortree bank,
The rifted wood roars wild and drearie,
Loud the iron yett does clank,
And the cry o houlets makes me eerie.
Chorus
Aboon my breath I daurna speak
For fear I rouse your waukrife daddie;
Cauld’s the blast upon my cheek, –
Arise, arise, my bonnie lady!
Chorus
She’s opened the door, she’s let him in;
He’s cast aside his dreepin plaidie;
Blaw your warst, ye rain and win,
Since, Maggie, noo I’m in aside ye.
Final Chorus:
Now since ye’re waukin, Maggie,
Now since ye’re waukin, Maggie,
What care I for houlet’s cry,
For boortree bank, or warlock craigie?