Evelyn and Peter

Evelyn and Peter
(an extract)

At the stairt it wid be wee things like folks’ names and whit ye caw things, stuff that the average person might forget fae time tae time. But as her disease progressed her memory began tae deteriorate even mair, tae the point where she wis forgetting where she wis and even who she wis at times.

It’s been awmaist six year since she wis first diagnosed. Ever since then Ah’ve had tae witness maist o the things Ah loved aboot her fade away, for example her passion for her job. She worked in a secondary school teaching history; she adored her job and wid aye come hame wi a smile on her face, then go on tae tell me everything that happened throughout that day. Evelyn loved talking. She’d talk for ages, aboot anything and tae anyone. We used tae talk for oors on end and noo we barely last ten meenits as oor conversations are just the same question asked ower and ower again.

Sometimes a wid find her wandering aroond the house panicking cause she coudnae find the bathroom, even though she’d already walked past it aboot a hunner times. Ah thought this wis as bad as it wis going tae get.