Wi thanks tae oor funders and supporters
©2024 – ScotsHoose Yaldi. All Rights Reserved. ScotsHoose Yaldi is funded by the Scottish Government.
A Wee Bit Magic
By Ely Percy
Magic o aw kinds and mair than a wee bit in Ely Percy’s short story specially written for Scots Hoose Yaldi.
Author of the award winning novel Duck Feet, Ely’s A Wee Bit Magic is telt in dynamic powerful unstappable Scots. In bite-size chapters and ideal for study and enjoyment alongside Duck Feet, A Wee Bit Magic is read by Ely and filmed for Scots Hoose Yaldi by Kieran McLaughlin with Adam Stewart.
A Wee Bit Magic will also be available soon as a free published book from Scots Hoose Yaldi.
Frieda Kirk has startet a cult. She says it isnae a cult, but she wid say that cause she disnae want folk tae know she’s brain-washin them.
At first, it wis jist her an Charlene an Eunice Garvey an Eunice’s pal Fiona Anderson who’s in wan F that wur in it, but then Laura McPhee an Laura McNish an loadsa popular lassies joint. Even Kelly Marie Walker’s been seen takin part in some ae Frieda’s mad rituals, although ah’m positive she’s at it. Frieda’s got them aw pure runnin aboot castin spells an wearin mad yin-yang earrings, aw apart fae Fiona who’s got a choker cause she’s no allowed tae get her ears pierced.
This mornin at interval ah wis on ma way tae help Missus Auldhill in the tucky when Charlene accostet me tae ask did ah wantae go wi her tae wan a Frieda’s GATHERINS.